Av Geir K. Hus - (29.11.10)
Meiningsmålinga er nyleg utført av Norfakta for Landslaget for lokalaviser (LLA).
Høgre går rett nok tilbake 1,5 prosentpoeng samanlikna med LLA si måling i september, men partiet har framleis ein auke på heile 6,6 prosentpoeng i forhold til forrige kommunestyreval. Senterpartiet, som tradisjonelt har fått svært mange av ordførarverva i Norge, slit fortsatt i motbakke. Samtidig har FrP ei oppslutning omtrent som under forrige val. Hadde det vore kommunestyreval i dag, ville dermed Høgre truleg ha forsynt seg kraftig av ordførarverva i mange av kommunane i landet.

Meiningsmålinga til LLA og lokalavisene viser at Høgre og Arbeidarpartiet no ville fått akkurat like stor oppslutning dersom det hadde vore kommunestyreval i dag. Etter at stemmene var telt opp under valet i 2007, var Ap over 10 prosentpoeng større! Professor og valforskar Frank Aarebrot trur at Arbeidarpartiet har surra seg bort i sentrum-periferien og at Ap blir oppfatta meir vennlege overfor miljøvernungdomen i byane enn industriarbeidarane i distrikta.

LLA si meiningsmåling er ein del av lokalavisene sitt Ung & engasjert-prosjekt, eit arbeid som skal styrka interessa for lokal politikk, særleg blant unge lesarar. Oppslutning i prosent i LLA si siste kommunestyreval-undersøking. Tala i parentes er valoppslutninga under forrige kommunestyreval:

    Ap: 25,9 (29,6)
           Høgre: 25,9 (19,3)
      FrP: 17,2 (17,5)
 KrF: 5,9 (6,4)
Sp: 5,5 (8,0)
SV: 7,3 (6,2)
         Venstre: 5,9 (5,9)
    Rødt: 1,8 (1,9)
      Andre: 4,4 (5,3)

Det politiske barometeret er gjennomført av Norfakta 22. - 23. november 2010. Resultata er vegd mot fylke, kjønn, alder og kommunestyrevalet i 2007. Antall spurte: 1000. Feilmargin for utvalet som heilhet er inntil 3,1%. Antall som svarte veit ikkje: 21 %. Antall som ikkje ville stemme eller ikkje svara: 5 %.

	Valg-07	Sep-10	Nov-10
Ap	29,6	27,5	25,9
Frp	17,5	18,5	17,2
Høyre	19,3	27,4	25,9
KrF	6,4	5,2	5,9
Sp	8,0	5,8	5,5
SV	6,2	5,3	7,3
Venstre	5,9	5,6	5,9
Rødt	1,9	1,5	1,8
Andre	5,3	3,1	4,4